Qazgıdromet: Jambyl oblysynda kún 40 gradýsqa deıin ysıdy
NUR-SULTAN. QazAqparat - Qazaqstannyń birneshe oblysynda aýa raıyna baılanysty eskertý jarııalandy, dep habarlaıdy QazAqparat «Qazgıdromet» RMK-nyń málimetterine silteme jasap.
Kásiporyn taratqan málimetterge qaraǵanda, 27 mamyrda Jambyl oblysynda kún kúndiz 40°S-qa deıin ysıdy.
Soltústik Qazaqstan oblysynyń keı jerlerinde túnde jáne tańerteń tuman túsedi. Soltústik-shyǵystan jel soǵyp, jyldamdyǵy túnde keı jerlerde sekýndyna 15-20 metrge jetedi.
Shyǵys Qazaqstan oblysynyń keı jerlerinde naızaǵaı oınap, burshaq jaýyp, daýyl turady. Soltústik-batystan, soltústikten coǵatyn jeldiń kúshitúnde keı jerlerde15-20, kúndiz 15-20, ekpini 25 m/s bolady dep boljanyp otyr.
Óskemende tańerteń jáne kúndiz naızaǵaı oınap, burshaq jaýady. Tańerteń jáne kúndizsoltústik-batystan, soltústikten ekpini 15-20 m/s jel soǵady.
Semeı qalasynda soltústik-batystan, soltústikten jyldamdyǵy sekýndyna 15-20 m/s bolatyn jel soǵady.
Túrkistan oblysynyń keı jerlerinde shańdy daýyl turyp, shyǵystan 15-20, ekpini 23 m/s jel soǵady. Kúndiz óńirdiń basym bóliginde+410S ystyq bolady.
Túrkistan qalasynda kúndizshyǵystan 15-20 m/s jel soǵyp, aýa temperatýrasy 410S ystyq bolady.
Qyzylorda oblysynda 44°S ystyqbolady.Jel soltústik-shyǵystan soǵyp, jyldamdyǵy túnde keı jerlerde 15-20 m/s, kúndiz 15-20, keı jerlerde 25 m/s bolady jáne shańdy jel turýy múmkin.
27-28 mamyrda kúndiz Aqtóbe oblysynyń keı jerlerinde 35-39 gradýs ystyq bolady.
Kúndiz 27-29 mamyrdaMańǵystaý oblysynyń keı jerlerinde 38-40 gradýs qatty ystyq bolady.
Aýa raıy boljamynyń yqtımaldylyǵy 90-100%.
