Qazgıdromet úsh óńirde aptap ystyq bolatynyn eskertti

«Qazgıdromet» RMK el aýmaǵynda 7 tamyzda bolatyn qaýipti meteorologııalyq qubylystarǵa boljam jasady.

Atmosferalyq frontaldy bólimder Qazaqstannyń basym bóliginde aýa raıynyń turaqsyz sıpatyn saqtaıdy: naızaǵaımen, burshaqpen jáne daýylmen jańbyr jaýady, eldiń batysynda, soltústik-batysynda qatty jańbyr jaýady.

Tek eldiń ońtústiginde jáne ortalyǵynda jaýyn-shashynsyz aýa-raıy bolady. Respýblıka boıynsha jel kúsheıedi, soltústiginde túnde jáne tańerteń tuman kútiledi.

«Kúndiz Almaty, Atyraý, Qyzylorda, Mańǵystaý, Aqtóbe, Jambyl, Ulytaý, Jetisý oblystarynda, Batys Qazaqstan, Qostanaı, Abaı oblystarynyń ońtústiginde, Túrkistan oblysynyń batysynda, shóldi aýdandarynda qatty ystyq kútiledi.

Mańǵystaý, Aqtóbe, Qyzylorda oblystarynyń ońtústiginde óte qatty ystyq kútilýde», — dep jazdy sınoptıkter.

Almaty, Atyraý, Jetisý, Abaı oblystarynda, Ulytaý oblysynyń shyǵysynda, Qaraǵandy oblysynyń batysynda, soltústiginde, ońtústiginde, Aqtóbe oblysynyń ońtústiginde, Batys Qazaqstan oblysynyń ońtústiginde, ortalyǵynda, Shyǵys Qazaqstan oblysynyń ortalyǵynda, Aqmola oblysynyń ońtústik-batysynda, Pavlodar oblysynyń ońtústik-shyǵysynda, ortalyǵynda joǵary órt qaýpi bar.

Mańǵystaý, Qyzylorda, Túrkistan, Jambyl, Ulytaý oblystarynda, Almaty, Jetisý oblysynyń soltústiginde, ortalyǵynda, Atyraý oblysynyń ońtústik bóliginde, Qostanaı, Aqtóbe, Shyǵys Qazaqstan, Abaı oblystarynyń ońtústiginde tótenshe órt qaýpi saqtalady.