Qazgıdromet úsh óńirde eskertý jarııalady
NUR-SULTAN. QazAqparat – Aýa raıynyń buzylýyna baılanysty úsh óńirde eskertý jarııalandy, dep habarlaıdy QazAqparat.
«Qazgıdromet» RMK málimetinshe, 2 qyrkúıek kúni Qostanaı oblysynyń keı jerlerinde naızaǵaı oınap, daýyl turady. Túnde jáne táńerteń jekelegen aýmaqtardy tuman basady. Soltústik-batystan 18 m/s ekpinde jel soǵady.
2 qyrkúıekte Soltústik Qazaqstan oblysynda naızaǵaı, tuman, daýyl, burshaq kútiledi. Batystan 15-20 m/s jyldamdyqta jel turady.
2 qyrkúıek kúni Aqmola oblysynyń keı jerlerinde naızaǵaı, daýyl, tuman, burshaq boljanady. Ońtústik-batystan, batystan jel soǵady, kúndiz keı jerlerde 15-20 m/s kútiledi.
Eske salaıyq, buǵan deıin sınoptıkter 1-3 qyrkúıek kúnderi Batys Qazaqstan, Qostanaı jáne Aqtóbe oblystarynda úsik júretinin habarlaǵan bolatyn.
