Qazgıdromet úsh oblysta aýa raıynyń buzylatyndyǵyn eskertti
NUR-SULTAN. QazAqparat – Qazaqstannyń úsh oblysyna daýyldy eskertý jarııalandy, dep habarlaıdy QazAqparat tilshisi «Qazgıdromet» RMK-ǵa silteme jasap.
Qazgıdromettiń habarlaýynsha, 15 naýryzda Aqmola oblysynyń keı jerlerinde tuman saqtalady. Ońtústik-batystan jel soǵyp, kúshi keı jerlerde 15-20 m/s-ge jetedi. Daýyldy eskertýdiń yqtımaldylyǵy 85-90 paıyz.
Sonymen qatar, Qazgıdromet 15 naýryzda Qostanaı oblysynyń keı jerlerinde tuman, kóktaıǵaq bolatynyn boljap otyr. Ońtústik-batystan jel soǵyp, kúshi keı jerlerde 15-20 m/s kútiledi. Qostanaı qalasynda 15 naýryzda ońtústik-batystan ekpini 15-20 m/s bolatyn jel soǵady.
Sondaı-aq, erteń Mańǵystaý oblysynyń keı jerlerinde tuman kútiledi. Soltústik-batystan jel soǵady. Daýyldy eskertýdiń yqtımaldylyǵy 90-95 paıyz bolyp otyr.
