Qazgıdromet úsh kúnge arnalǵan aýa raıy boljamyn jarııalady

ASTANA. KAZINFORM – Sınoptıkter 20-21-22 aqpanǵa arnalǵan aýa raıy boljamyn jarııalady, dep habarlaıdy «Qazgıdromet» RMK baspasóz qyzmeti. 

Boljam boıynsha, aldaǵy kúnderi el turǵyndary klımattyq aıyrmashylyqty aıqyn sezedi. 

— Respýblıkanyń soltústik óńirlerine antıtsıklon áser etedi. Ol negizinen jaýyn-shashynsyz aıazdy aýa raıyn saqtaıdy. Al, ońtústik óńirlerde jaǵdaı kerisinshe: munda baıaý jyljyp kele jatqan ońtústik tsıklony yqpal etedi, kúndizgi temperatýra birtindep 10-15 gradýsqa deıin kóteriledi, - delingen habarlamada.

Eske sala keteıik, buǵan deıin elimizdiń basym bóliginde aýa raıyna baılanysty eskertý jarııalanǵanyn habarlaǵan edik.