Qazgıdromet tórt oblysta eskertý jarııalady
ASTANA. QazAqparat - Qazaqstannyń tórt oblysynda aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.
Sınoptıkterdiń málimetinshe, 24 qarasha kúni Batys Qazaqstan oblysynyń keı jerlerinde boran soǵyp, soltústik-batystan, batystan soqqan jeldiń jyldamdyǵy sekýndyna 15-20 metrge deıin jetýi múmkin.
Aqtóbe oblysynda da keı jerlerde boran soǵýy yqtımal, soltústik-batystan, batystan soǵatyn jeldiń ekpini 15-20 m/s kúsheıedi.
24 qarasha kúni kúndiz Soltústik Qazaqstan oblysynda jel batystan, soltústik-batystan sekýndyna 15-20 metr jyldamdyqpen soǵady, ekpini 25 m/s-qa jetetini boljanady. Keı jerlerde boran soǵady.
Qostanaı oblysynyń jekelegen aýmaqtarynda boran soǵýy múmkin, 15-20 m/s jyldamdyqta jel turady.
