Qazgıdromet: Tamyzdyń 31-i kúngi aýa raıy boljamy
NUR-SULTAN. QazAqparat – Tamyzdyń 31-i kúni respýblıkanyń basym bóligi burynǵysynsha, tsıklon men onymen baılanysty frontaldy bólikterdiń yqpalynda bolady, dep habarlaıdy QazAqparat «Qazgıdromet» RMK-nyń málimetterine súıene otyryp.
Kásiporyn tartqan málimetterge qaraǵanda, respýblıkanyń basym bóliginde jaýyn jaýap, soltústik óńirde jaýyn mol kólemde túsedi.
Eldiń birqatar aýmaqtarynda naızaǵaı oınap, jel kúsheıip, burshaq jaýýy da yqtımal, sonymen qatar shańdy daýyl kóteriledi.
Aqmola oblysynyń keı jerlerinde naızaǵaı oınap, jel kúsheıip, burshaq jaýýy múmkin. Jeldiń jyldamdyǵy sekýndyna 15-20, ekpini 23-28 metrge jetedi.
Qostanaı, Soltústik Qazaqstan, Qaraǵandy oblystarynyń birqatar aýmaqtarynda naızaǵaı oınap, jel kúsheıip, burshaq jaýýy yqtımal. Jeldiń kúshi sekýndyna 15-23 metrge jetedi.
Shyǵys Qazaqstan, kúndiz Pavlodar oblystarynda naızaǵaı oınap, jel sekýndyna 15-20 metr jyldamdyqpen esedi. Pavlodar oblysynda jeldiń ekpini sekýndyna 25 metrge jetedi.
Jambyl, Túrkistan, Qyzylorda,Aqtóbe oblystarynyń keı jerlerinde sekýndyna 15-20 metr jyldamdyqpen jel soǵady. Qyzylorda oblysynda shańdy daýyl kóteriledi. Almaty oblysynda kúndiz keı jerlerde naızaǵaı oınaýy múmkin.
Qyzylorda, Túrkistan oblystarynda jáne Jambyl, Qaraǵandy, Atyraý oblystarynyń basym bóliginde, sonymen qatar Batys Qazaqstan, Aqtóbe oblystarynda, Pavlodar oblysynyń soltústiginde órt qaýipi saqtalady.
