Qazgıdromet: Tamyzdyń 30-y kúngi aýa raıy boljamy
NUR-SULTAN. QazAqparat – «Qazgıdromet» RMK-sy tamyzdyń 30-y kúngi aýa raıy boljamyn jarııa etti, dep habarlaıdy QazAqparat.
Kásiporyn taratqan aqparattarǵa qaraǵanda, 30 tamyzda antıtsıklonnyń áserinen respýblıkanyń basym bóliginde kún ashyq bolady. Tek respýblıkanyń batysynda, soltústik-batysynda, soltústiginde naızaǵaı oınap, jańbyr jaýady.
Respýblıkanyń keı jerlerinde tuman túsip, jel kúsheıip, burshaq jaýady, ońtústik-shyǵysta shańdy daýyl, batysta daýyl turýy yqtımal.
Batys Qazaqstan oblysynyń keı jerlerinde naızaǵaı oınap, daýyl turady. Jel sekýndyna 15-20 metr jyldamdyqpen soǵady, burshaq jaýýy múmkin.
Soltústik Qazaqstan oblysynyń keı jerlerinde naızaǵaı oınap, túnde jáne tańerteń tuman túsedi. Kúndiz jel sekýndyna 15-20 metr jyldamdyqpen soǵady, keı jerlerde burshaq jaýýy múmkin.
Jambyl oblysynyń keı jerlerinde jeldiń kúshi sekýndyna 15-20 metrge deıin kúsheıip, shańdy daýyl turýy yqtımal. Túnde jáne tańerteń tuman túsedi.
Manǵystaý oblysynyń keı jerlerinde naızaǵaı oınap, kúndiz jel 15-20 m/s-ke deıin kúsheıedi, túnde jáne tańerteń jaǵalaýda tuman túsýi yqtımal.
Qostanaı, Atyraý oblystarynyń keı jerlerinde naızaǵaı oınap, kúndiz jel 15-20 m/s-qa deıin kúsheıedi.
Túrkistan, tańerteń jáne kúndiz Qyzylorda, kúndiz Qaraǵandy oblystarynyń keı jerlerinde jeldiń jyldamdyǵy 15-20 m/s kúsheıedi.
Túnde Pavlodar, túnde jáne tańerteń Shyǵys Qazaqstan oblystarynyń keı jerlerinde tuman túsedi.
Atyraý oblysynda, Batys Qazaqstan oblysynyń ońtústik-batysynda, Qaraǵandy oblysynyń ońtústiginde aptap ystyq bolady.
Qyzylorda, Atyraý oblystarynyń basym bóliginde, Qaraǵandy oblysynyń batysynda, Batys Qazaqstan oblysynyń ońtústiginde, Túrkistan, Almaty oblystarynyń keı jerlerinde tótenshe órt qaýpi saqtalady.
