Qazgıdromet: Tamyzdyń 26-sy kúngi aýa raıy boljamy
NUR-SULTAN. QazAqparat – «Qazgıdromet» RMK-sy tamyzdyń 26-y kúngiń aýa raıy boljamyn jarııalady, dep habarlaıdy QazAqparat.
Kásiporyn taratqan málimetterge qaraǵanda, tamyzdyń 26-sy kúniń Qazaqstan aýmaǵynyń basym bóliginde kún jaýyn-shashynsyz bolady. Tek atmosferalyq frontaldy bólikterdiń ótýimen ońtústik-shyǵysta, ońtústikte taýly aýdandarda jáne soltústik-batysta naızaǵaı oınap jańbyr jaýady.
Respýblıka boıynsha jel kúsheip, ońtústik-shyǵysta taýly aýdandarda burshaq jaýady.
Jambyl, Túrkistan oblystarynyń taýly aýdandarynda kúndiz jáne Qostanaı oblysynyń batysynda naızaǵaı oınaıdy. Naızaǵaı kezinde jel 15-20 m/s jyldamdyqpen soǵady. Kúndiz Jambyl oblysynyń taýly aýdandarynda burshaq jaýady.
Almaty oblysynyń taýly aýdandaorynda kúndiz naızaǵaı oınaıdy.
Qyzylorda oblysynyń batysynda kúndiz jel 15-20 m/s jyldamdyqpen soǵady.
Kúndiz Atyraý, Batys Qazaqstan, Aqtóbe, Qostanaı oblystarynyń basym bóliginde, Mańǵystaý oblysynyń ońtústiginde aptap ystyq bolady.
Mańǵystaý, Batys Qazaqstan, Atyraý, Aqtóbe, Qyzylorda, Túrkistan, Jambyl, Almaty oblystarynyń basym bóliginde, Qostanaı, Shyǵys Qazaqstan oblystarynyń ońtústiginde, Qaraǵandy oblysynyń batysynda, Aqmola oblysynyń ońtústiginde, soltústik-batysynda tótenshe órt qaýpi saqtalady.
