Qazgıdromet: Tamyzdyń 19-y kúngi kún raıy boljamy

NUR-SULTAN. QazAqparat – «Qazgıdromet» RMK-sy tamyzdyń 19-y kúngi kún raıy boljamyn jarııalady, dep habarlaıdy QazAqparat.

Kásiporyn taratqan derekterge qaraǵanda, aýqymdy Soltústik Batys antıtsıklony áserinen Qazaqstannyń basym bóliginde kún jaýyn-shashynsyz bolady.

Frontaldy bólikterge baılanysty respýblıkamyzdyń batysynda, soltústiginde, shyǵysynda jańbyr jaýyp, naızaǵaı oınaıdy, shyǵystyń taýly aýdandarynda jaýyn (jańbyr, sýly qar) jaýady. Respýblıka boıynsha keı jerlerde jel kúsheıip, elimizdiń soltústiginde, soltústik-batysynda, shyǵysynda túnde tuman túsedi, respýblıkanyń soltústiginde, shyǵysynda, ortalyǵynda topyraq betinde 2 gradýsqa deıin úsik júredi.

Kúndiz Mańǵystaý oblysynyń basym bóliginde, Atyraý oblysynyń shyǵysynda qatty ystyq bolady.

Qyzylorda oblysynda, Túrkistan oblysynyń ońtústiginde, Atyraý oblysynyń shyǵysynda, Batys Qazaqstan, Mańǵystaý, Jetisý oblystarynyń ońtústiginde, Almaty oblysynyń shyǵysynda, Jambyl oblysynyń ońtústiginde, Abaı oblysynyń Besqaraǵaı aýdanynda tótenshe órt qaýpi saqtalady.