Qazgıdromet: Tamyzdyń 18-i kúngi kún raıy boljamy

NUR-SULTAN. QazAqparat – «Qazgıdromet» RMK-sy tamyzdyń 18-i kúngi kún raıy boljamyn jarııalady, dep habarlaıdy QazAqparat.

Kásiporyn boljamyna qaraǵanda, aýqymdy Soltústik Batys antıtsıklonynyń áserinen Qazaqstannyń basym bóliginde kún jaýyn-shashynsyz bolady. Sonymen qatar temperatýralyq fon aqyryndap tómendeı beredi. Frontaldy bólikterge baılanysty respýblıkamyzdyń soltústiginde, shyǵysynda, ortalyǵynda jańbyr jaýyp, naızaǵaı oınaıdy. Respýblıka boıynsha keı jerlerde jel kúsheıip, elimizdiń soltústiginde, soltústik-batysynda, shyǵysynda túngi saǵattarda tuman túsedi, túnde respýblıkanyń soltústiginde, shyǵysynda topyraq betinde 2 gradýsqa deıin úsik júredi.

Kúndiz Mańǵystaý oblysynyń basym bóliginde, Batys Qazaqstan oblysynyń ońtústiginde, Atyraý oblysynyń shyǵysynda qatty ystyq bolady.

Qyzylorda oblysynyń ońtústiginde, Túrkistan oblysynyń shyǵysynda, Atyraý oblysynyń batysynda, Batys Qazaqstan Mańǵystaý, Jetisý oblystarynyń ońtústiginde, Almaty oblysynyń shyǵysynda, Jambyl oblysynyń ońtústiginde, batysynda, Abaı oblysynyń Besqaraǵaı aýdanynda tótenshe órt qaýpi saqtalady.