Qazgıdromet: Tamyzdyń 12-si kúngi aýa raıy boljamy
NUR-SULAN. QazAqparat – «Qazgıdromet» RMK-sy tamyzdyń 12-si kúngi aýa raıy boljamyn jarııa etti, dep habarlaıdy QazAqparat.
Kásiporyn taratqan málimetterge qaraǵanda, s oltústik shyǵystan jyljıtyn ońtústik tsıklon jáne onymen baılanysty frontaldy bólikterdiń yqpalymen Qazaqstan terrıtorııasynyń basym bóliginde aýa raıy qubylyp turady.
Keı jerlerde naızaǵaı oınap jańbyr jaýsa, soltústikte nóserletedi. Daýyl turyp, burshaq jaýýy da yqtımal. Respýblıkanyń keı jerlerinde jel kúsheıip, ońtústikte jáne ońtústik-batysta shańdy daýyl turady. Soltústik-batysta tuman túsedi.
Aqmola, Soltústik Qazaqstan, Qaraǵandy, Pavlodar, Shyǵys Qazaqstan oblystarynyń keı jerlerinde daýyl turyp, jel sekýndyna 15-25 metr jyldamdyqpen uıtqyp, burshaq jaýýy yqtımal.
Almaty, kúndiz Jambyl, Aqtóbe oblystarynyń keı jerlerinde jel sekýndyna 15-20 metr jyldamdyqpen soǵady.
Kúndiz Qyzylorda, Mańǵystaý oblystarynyń keı jerlerinde jeldyń jyldamdyǵy sekýndyna 15-20 metr bolady.
Qostanaı oblysynyń keı jerlerinde jeldiń jyldamdyǵy sekýndyna 18 metrge jetedi. Túnde jáne tańerteń tuman túsedi.
Qyzylorda, Túrkistan oblystarynyń basym bóliginde, Jambyl, Almaty, Qaraǵandy, Atyraý, Aqtóbe oblystarynyń keı jerlerinde órt qaýpi saqtalady.
