Qazgıdromet: Tamyzdyń 11-i kúngi aýa raıy boljamy
NUR-SULTAN. QazAqparat - «Qazgıdromet» RMK-sy 11 tamyzǵa arnalǵan aýa raıy boljamyn jarııalady, dep habarlaıdy QazAqparat.
Kásiporyn taratqan málimetterge qaraǵanda, 11 tamyzda ońtústik tsıklon Qazaqstannyń basym bóliginde aýa raıynyń turaqsyz bolýyna yqpal etedi.
11 tamyz kúni respýblıkanyń birqatar aýmaǵynda naızaǵaı oınap, jańbyr jaýady. Soltústik-batysta, soltústikte nóserletip, daýyl turady, burshaq jaýýy da yqtımal. Respýblıkanyń keı jerlerinde jel kúsheıip, ońtústikte jáne ońtústik-batysta shańdy daýyl turady, soltústik-batysta tuman túsýi múmkin.
Aqmola, Qostanaı, Soltústik Qazaqstan, Pavlodar oblystarynyń keı jerlerinde naızaǵaı oınap, daýyl turady, jel sekýndyna 15-20 metr jyldamdyqpen soǵady, burshaq jaýýy yqtımal. Qostanaı oblysynyń birqatar aýmaǵynda túnde jáne kúndiz tuman túsedi.
Qaraǵandy oblysynyń keı jerlerinde naızaǵaı oınap, daýyl turady, jel sekýndyna 15-20 metr jyldamdyqpen uıtqıdy, kúndiz ekpini 23 metr bolady.
Shyǵys-Qazaqstan, kúndiz Almaty oblystarynyń keı jerlerinde naızaǵaı oınap, jel sekýndyna 15-20 metr jyldamdyqpen soǵady.
Túrkistan, Qyzylorda, Manǵystaý oblystarynyń keı jerlerinde jeldiń jyldamdyǵy sekýndyna 15-20 metr bolady. Qyzylorda, Mańǵystaý oblystarynda shańdy daýyl turady.
Jambyl oblysynyń keı jerlerinde naızaǵaı oınap, kúndiz jeldiń jyldamdyǵy sekýndyna 15-20 mter, ekpini 23 metrge jetedi.
Aqtóbe oblysynyń keı jerlerinde jel sekýndyna 18 metr jyldamdyqpen uıtqıdy.
Kúndiz Almaty oblysynda aptap ystyq saqtalady.
Qyzylorda, Túrkistan, Jambyl, Almaty oblystarynyń basym bóliginde, Qaraǵandy, Atyraý, Aqtóbe oblystarynyń keı jerlerinde tótenshe órt qaýpi saqtalady.
