Qazgıdromet tamyzda keı óńirlerde qurǵaqshylyq qaýpi joǵary ekenin boljady
ASTANA. KAZINFORM — «Qazgıdromet» RMQ sınoptıkteri tamyz aıyna arnalǵan qurǵaqshylyq boljamyn jarııalady.
Sınoptıkterdiń boljamynsha, tamyz aıynda atmosferalyq qurǵaqshylyq kelesi óńirlerde bolýy yqtımal:
- Batys Qazaqstan oblysynyń Bókeı Orda jáne Jánibek aýdandarynda;
- Aqtóbe oblysynyń Shalqar jáne Yrǵyz aýdandarynda;
- Atyraý oblysy Qurmanǵazy aýdanynda;
- Almaty oblysynyń Balqash aýdanynda;
- Jambyl oblysynyń Moıynqum, Qordaı, Sarysý, Talas jáne Jambyl aýdandarynda;
- Túrkistan oblysynyń Arys, Sozaq, Qazyǵurt, Ordabasy, Shardara, Jetisaı, Báıdibek jáne Keles aýdandarynda;
- Qyzylorda oblysynyń Qazaly, Qarmaqshy, Shıeli aýdandarynda jáne Qyzylorda qalasynda.
Soltústik Qazaqstan oblysynyń Tımırıazev aýdanynda jáne Qostanaı oblysynyń Uzynkól aýdanynda birqalypty ylǵaldy jaǵdaı boljanady.
Elimizdiń qalǵan aýmaǵynda ylǵaldaný jaǵdaıy normaǵa jýyq boljanady. Boljam www.agrodata.kz qosymshasynda jáne «Qazgıdromet» RMK resmı saıtynda jarııalanǵan.
Eske sala keteıik, buǵan deıin qazaqstandyq ǵalymdar qurǵaqshylyqqa tózimdi jańa sorttardy patenttegenin jazǵan edik.
