«Qazgıdromet» taǵy eki óńirde eskertý jarııalady
ASTANA. QazAqparat - Aýa raıynyń qolaısyzdyǵyna baılanysty Qazaqstannyń taǵy eki óńirinde eskertý jarııalandy, dep habarlaıdy QazAqparat «Qazgıdrometke» silteme jasap.
7 maýsym kúni Qyzylorda oblysynyń keı jerlerinde naızaǵaı oınap, shańdy daýyl turýy múmkin. Ońtústik-shyǵystan, shyǵystan soqqan jeldiń jyldamdyǵy sekýndyna 15-20 metrge kúsheıip, aýa temperatýrasy 41 gradýsqa deıin jetedi.
7 maýsym kúni tańerteń jáne kúndiz Qostanaı oblysynyń keı jerlerinde naızaǵaı oınap, soltústik-batystan 15-20 m/s jyldamdyqpen jel soǵady, burshaq jaýýy yqtımal.
Eske salaıyq, buǵan deıin eskertý Batys Qazaqstan oblysynda jarııalanǵan bolatyn.
«Qazgıdromet» sondaı-aq elimizdiń soltústik óńirlerinde aýa temperatýrasy tómendeıtini týraly habarlady.
