«Qazgıdromet» taǵy bir óńirde eskertý jarııalady
AQTAÝ. QazAqparat - Mańǵystaý oblysynda aýa raıynyń buzylýyna baılanysty eskertý jarııalandy, dep habarlaıdy QazAqparat.
«Qazgıdromet» RMK-nyń málimetinshe, 5 qańtar kúni Mańǵystaý oblysynda ońtústik-shyǵystan soǵatyn jeldiń ekpini 15-20 m/s kúsheıedi.
5 qańtar kúni Aqtaý qalasynda ońtústik-shyǵystan soǵatyn jeldiń jyldamdyǵy 18 m/s artatyny boljanady.
Eske salaıyq, sınoptıkter buǵan deıin Batys Qazaqstan oblysynda da kún raıy buzylatynyn habarlaǵan bolatyn. 5 qańtarda óńirdiń keı jerlerinde tuman túsip, kóktaıǵaq bolady. Burqasyn kóterilip, ońtústik-batystan soǵatyn jeldiń jyldamdyǵy sekýndyna 9-14, keı jerlerde 15-20 metrge deıin jetýi yqtımal. Sondaı-aq boranǵa baılanysty avtojoldar jabylýda.
