«Qazgıdromet» sý tasqyndaryn jedel boljaı alady
ASTANA. QazAqparat - Qazaqstanda tez týyndaıtyn tasqyndardy boljaýǵa arnalǵan aqparattyq-zertteý júıesi engiziledi. Bul týraly búgin Astanada «Qazgıdromet» bas dırektory Aıbek Meńdiǵarın málim etti.
Onyń sózine qaraǵanda, osy joba aıasynda «Qazgıdromette» Óńirlik ortalyq qurylady. Jobany júzege asyrý men oǵan mamandardy daıarlaý sharalaryn USAID atqarmaq.
«Olar tehnıkalyq kómek berip, serverlerin qoıady. Osy oraıda buǵan jer seriginen , radarlardan, jerdegi qyzmetterden kelgen derekter jınaqtalady. Bul turǵyda eń basty másele - aldyn ala málimetterdi alyp, osy derekterdi qutqarý qyzmetterine der kezinde habarlaý. ıAǵnı, adamdardy qutqarýǵa jáne apattardy boldyrmaýǵa qomaqty úles qosa alady»,-dedi A. Meńdiǵarın.
Sonymen qatar kelip túsken málimetterge taldaý jasalyp, olar Ortalyq Azııanyń ózge elderine de taralatyn bolady.
