Qazgıdromet: SQO-da qańtar aıy sýyq bolady
NUR-SULTAN. QazAqparat – Sınoptıkterdiń boljamynsha, Soltústik Qazaqstan oblysynda qańtar aıynda ortasha aýa temperatýrasy –15-18 gradýs bolady, dep habarlaıdy QazAqparat tilshisi.
«Qazgıdromet» RMK fılıaly oblystyń batys bóligi úshin mundaı temperatýra qalypty jaǵdaı bolsa, shyǵys bóligi úshin ol bir gradýsqa tómen ekenin aıtty.
Qańtar aıynyń birinshi onkúndigi salystyrmaly túrde jyly bolady. Aýa temperatýrasy túnde –13-18 jáne –8-13 gradýs aralyǵynda bolsa, kúndiz –7-12 jáne –2-7 gradýs aralyǵynda bolady. Aıdyń ortańǵy onkúndiginde aýa temperatýrasy túnde –18-23 gradýsqa deıin, kúndiz –12-17 gradýsqa deıin tómendeıdi dep kútilýde. Odan keıin túnde aýa temperatýrasy –8-13 deıin joǵarylasa, keı jerlerde –18 gradýs, kúndiz –2-7 deıin, keı jerlerde –12 gradýsqa deıin aıaz bolady. Aıdyń sońǵy onkúndiginde aýa temperatýrasy túnde qaıtadan –15-20 gradýsqa deıin tómendese, keı jerlerde –25 gradýsqa deıin aıaz bolady, al kúndiz –9-14 gradýsqa deıin sýyq bolady.
Aıdyń ekinshi onkúndiginiń basynda aýa temperatýrasy túnde –15-20 gradýstan –10-15 gradýsqa deıin, kúndiz –9-14 gradýstan –4-9 gradýsqa deıin kóteriledi. Odan keıin termometr baǵany –24-29 gradýsqa deıin tómendep, keı jerlerde –34 gradýsqa deıin barady, al kúndiz –18-23 gradýsqa deıin tómendeıdi. Aıdyń sońǵy onkúndiginde kún jylynady dep kútiledi.
Aıdyń úshinshi onkúndiginde kún jylynady, ıaǵnı túnde –16-21 gradýs bolsa, kúndiz –10-15 aıaz bolady. Aıdyń sońyna qaraı qaıtadan túnde –33 gradýs bolsa, kúndiz –27 gradýsqa bolady dep kútilýde.
Jaýyn-shashynnyń aılyq mólsheri oblystyń batys bóliginde qalyptan az bolsa, shyǵys bóliginde qalypty bolýy múmkin.
Sınoptıkter aıdyń ortasynda sekýndyna 15-20 metr jyldamdyqpen qar jaýyp, jel soǵady dep boljap otyr. Qańtar aıynyń basynda tuman túsedi.
Avtory: Olesıa Jýkoven
