Qazgıdromet shildeniń 7-si kúngi kún raıy boljamyn jarııalady

ASTANA. KAZINFORM - Qazaqstannyń basym bóliginde atmosferalyq aǵyndardyń ótýine baılanysty naızaǵaı oınap, jańbyr, burshaq jaýady, daýyl turady, elimizdiń soltústigi men shyǵysynda, ortalyǵynda qatty jańbyr jaýady.

Respýblıka boıynsha jel kúsheıip, soltústikte, eldiń ortalyǵynda, shyǵysynda túngi jáne tańerteńgi saǵattarda tuman kútiledi.

Kúndiz Batys Qazaqstan, Atyraý, Mańǵystaý oblystarynda, Aqtóbe oblysynyń batysynda qatty ystyq bolady.

Mańǵystaý oblysynda, Atyraý oblysynyń batysynda, shyǵysynda, ortalyǵynda, Batys Qazaqstan oblysynyń soltústik-batysynda, ońtústiginde, Almaty oblysynyń ońtústiginde, batysynda, Jetisý oblysynyń soltústiginde, shyǵysynda joǵary órt qaýpi saqtalady.

Túrkistan, Qyzylorda, Jambyl,Ulytaý oblystarynda, Jetisý oblysynyń soltústiginde, shyǵysynda, Qostanaı, Qaraǵandy oblystarynyń ońtústiginde, Atyraý oblysynyń ońtústik-shyǵysynda, Mańǵystaý oblysynyń batysynda tótenshe órt qaýpi saqtalady.