Qazgıdromet shildeniń 4-i kúngi kún raıy boljamyn jarııalady

ASTANA. KAZINFORM – «Qazgıdromet» RMK-sy shildeniń 4-i kúngi kún raıy boljamy jarııalady.

Kásiporyn taratqan derekterge qaraǵanda, tsıklon jáne onymen baılanysty atmosferalyq frontaldy bólikter batysta, soltústikte, shyǵysta, QR ortalyǵynda óz yqpalyn saqtaıdy. Sonyń saldarynan eldiń basym bóliinde naızaǵaı oınap, jańbyr jaýady, soltústikte qatty jańbyr jaýady, jekelegen aýdandarda burshaq jaýýy múmkin.

Eldiń ońtústiginde, ońtústik-shyǵysynda ǵana kún jaýyn-shashynsyz bolady. Respýblıka boıynsha jel kúsheıedi, batysta, ońtústikte shańdy daýyl turady, soltústikte daýyl turady, soltústik-batysta túnde jáne tańerteń tuman túsedi.

Atyraýdyń ońtústiginde, batysynda, Aqmola, Pavlodar oblystarynyń batysynda, Soltústik Qazaqstan, Shyǵys Qazaqstan oblystarynyń ońtústiginde, Aqtóbeniń ońtústik-shyǵysynda, batysynda, ońtústiginde, soltústiginde, Mańǵystaý oblysynyń ortalyǵynda, Ulytaý oblysynyń ortalyǵynda órt qaýpi saqtalady.

Almaty, Jambyl, Qyzylorda, Túrkistan oblystarynda, Jetisý oblysynda, Qaraǵandy oblysynyń batysynda, shyǵysynda, ońtústiginde jáne Ulytaý oblysynda, Aqtóbe oblysynyń ortalyǵynda, Mańǵystaýdyń soltústik-batysynda, Qostanaı oblysynyń ońtústik-batysynda, Abaı oblysynyń ońtústiginde tótenshe órt qaýpi saqtalady.

Osyǵan deıin órt qaýipsizdigi talabyn buzǵandar 52 mln teńge aıyppul arqalaǵany týraly jazdyq.