Qazgıdromet shildeniń 11-i kúngi aýa raıy boljamyn jarııalady

ASTANA. KAZINFORM – «Qazgıdromet» RMK-sy shildeniń 11-i kúngi kún raıy boljamyn jarııalady.

Kásiporynnyń boljamyna qaraǵanda, búgin elimizdiń aýmaǵynyń basym bóliginde atmosferalyq aǵyndardyń ótýine oraı naızaǵaı oınap, jańbyr, burshaq jaýady jáne qatty jel soǵady. Soltústik-batysta, eldiń ońtústik-shyǵys taýlarynda qatty jańbyr jaýady.

Eldiń ońtústik-batysynda, soltústiginde, shyǵysynda ǵana antıtsıklon sileminen kún jaýyn-shashynsyz bolady. Respýblıka boıynsha jel kúsheıip, respýblıkanyń soltústiginde, shyǵysynda túngi jáne tańerteńgi saǵattarda – tuman túsedi.

Kúndiz Atyraý, Mańǵystaý oblystarynda qatty ystyq bolady, Qyzylorda oblysynda, Qostanaı oblysynyń ońtústiginde qatty ystyq kútiledi.

Mańǵystaý oblysynda, Atyraý oblysynyń soltústiginde, ortalyǵynda, Batys Qazaqstan oblysynyń batysynda, ońtústigik-batysynda, soltústiginde, ońtústiginde, ońtústik-shyǵysynda, Aqtóbe oblysynyń batysynda, ońtústiginde, ońtústik-shyǵysynda, Jambyl oblysynyń ońtústik-batysynda, qıyr shyǵysynda joǵary órt qaýpi saqtalady.

Túrkistan, Qyzylorda, Mańǵystaý oblysynyń batysynda, Ulytaý oblysynyń batysynda, ortalyǵynda, Qostanaı oblysynyń ońtústiginde, Atyraý oblysynyń ońtústiginde, ońtústik-shyǵysynda, tótenshe órt qaýpi saqtalady