Qazgıdromet ShQO turǵyndaryna eskertý jasady
NUR-SULTAN. QazAqparat – «Qazgıdromettiń» Shyǵys Qazaqstan oblysyndaǵy fılıalynyń málimetinshe, 28 shilde kúni Shyǵys Qazaqstan oblysynyń keı jerlerinde naızaǵaı oınap, kúshti jel soǵady, dep habarlaıdy QazAqparat ShQO Tótenshe jaǵdaılar departamentine silteme jasap.
Departament málimetterine qaraǵanda, óńirde kúndiz burshaq jaýady. Keı jerlerde jel sekýndyna 15-20 metr jyldamdyqpen soǵyp, ekpini 25 m/s deıin jetedi. Óskemen jáne Semeı qalalarynda kúndiz naızaǵaı oınap, burshaq jaýady. Jeldiń jyldamdyǵy 15-20 m/s deıin jetedi.
Tótenshe jaǵdaılar salasynyń ókilderi osy kezde turǵyndarǵa múmkindiginshe ǵımarattan shyqpaı, terezelerdi jaýyp júrýge, sondaı-aq balkondar men jekemenshik úılerdiń aýlalarynan jel ushyryp áketýi múmkin zattardy alyp tastaýǵa keńes beredi.
Eger naızaǵaı kezinde dalada qalyp qoısańyz, jarnama qalqandary, avtobýs aıaldamalary sııaqty jerlerden aýlaq júrip, aǵashtardyń artynda, sonymen qatar elektr beretin quraldardyń qasynda turmaǵanyńyz abzal.
Al kólik ıelerine óz kólikterin aǵashtar, bılbord konstrýktsııalary, elektr symdarynyń astynda qoımaý keńes etiledi.
