Qazgıdromet shildeniń 26-sy kúngi kún raıy boljamyn jarııalady

NUR-SULTAN. QazAqparat – «Qazgıdromet» RMK-sy shildeniń 26-sy kúngi kún raıy boljamyn jarııalady, dep habarlaıdy QazAqparat.

Kásiporyn taratqan derekterge qaraǵanda, Qazaqstannyń batys jartysynda, kúndiz soltústiginde, ońtústik - shyǵysyndaǵy taýly aýdandarda atmosferalyq frontaldy bólikterdiń áserinen jańbyr jaýady, Aqtóbe oblysynyń soltústiginde naızaǵaı oınap, burshaq jaýady, daýyl turyp, nóserletedi.

Kúndiz Qyzylorda oblysynyń soltústiginde shańdy daýyl turady. Respýblıka boıynsha jeldiń jyldamdyǵy sekýndyna 15-20 metrge deıin kúsheıedi, Qazaqstannyń shyǵys jartysynda kún jaýyn-shashynsyz bolady.

Túrkistan, Qyzylorda, Jambyl, Jetisý, Almaty oblystarynyń basym bóliginde, Atyraý oblysynyń ońtústiginde, Ulytaý oblysynyń shyǵysynda tótenshe órt qaýpi saqtalady.

Kúndiz Jetisý, Jambyl, Túrkistan, Qyzylorda, Atyraý, Soltústik Qazaqstan oblystarynyń basym bóliginde, Qostanaı, Qaraǵandy oblystarynyń ońtústiginde, Almaty oblysynyń taý bókterindegi aýdandarynda qatty ystyq bolady.

Kúndiz Almaty oblysynyń basym bóliginde, Jambyl oblysynyń batysy men ońtústiginde, Jetisý oblysynyń soltústigi men shyǵysynda óte qatty ystyq saqtalady.