Qazgıdromet: Shildeniń 25-i kúngi aýa raıy boljamy
NUR-SULTAN. QazAqparat – Shildeniń 25-i kúni Qazaqsannyń basym bóliginen frontaldy bólikterdiń ótýine baılanysty aýa raıy qubylmaly bolady, dep habarlaıdy QazAqparat «Qazgıdromet» RMK-nyń málimetterine silteme jasap.
Kásiporyn taratqan málimetterge qaraǵanda 25 shilde kúni respýblıkanyń keı jerlerinde jaýyn jaýady. Soltústikte jáne shyǵysta jel kúsheıedi. Respýblıkanyń birqatar aýmaǵynda osy kúni naızaǵaı oınap, jel kúsheıip, ońtústikte onyń sońy shańdy daýylǵa ulasady. Elimizdiń keı aýmaqtarynda burshaq jaýýy yqtımal, soltústik-batysta túnde jáne tań ata tuman túsýi múmkin.
Aqmola, Qostanaı, Soltústik Qazaqstan, Pavlodar, Qaraǵandy oblystarynda jel kúsheıip, jyldamdyǵy sekýndyna 15-20 metrge jetedi.
Pavlodar, kúndiz Aqmola oblystarynda jeldiń ekpini sekýndyna 23-25 metrge jetedi. Qaraǵandy oblysynda 23-28 metr bolsa, Qostanaı oblysynda túnde jáne tań ata tuman túsedi.
Shyǵys Qazaqstan oblysynda jel sekýndyna 15-20 metr jyldamdyqpen uıtqıdy. Kúndiz jeldiń ekpini sekýndyna 25 metrge jetip, kúndiz burshaq jaýýy yqtımal.
Qyzylorda oblysynda tań ata jáne kúndiz keı jerlerde sekýndyna 15-20 metr jyldamdyqpen jel turyp, sońǵy shańdy daýylǵa ulasýy yqtımal.
Almaty oblysynyń keı jerlerinde túnde jel sekýndyna 15-20 metrge deıin kúsheıedi.
Jambyl oblysynda túnde jáne tań ata burshaq jaýýy yqtımal.
Kúndiz Almaty, Qyzylorda, Atyraý oblystary men Mańǵystaý oblysynyń ońtústiginde aptap ystyq bolady.
Atyraý, Qyzylorda oblystary men Batys Qazaqstan, Aqtóbe, Túrkistan, Jambyl oblystarynyń basym bóliginde, Qaraǵandy oblysynyń keı jerlerinde, Qostanaı oblysynyń ońtústiginde, Almaty oblysynyń ońtústik-batysynda órt qaýipi saqtalady.
