Qazgıdromet shildeniń 24-i kúngi kún raıy boljamyn jarııalady
Kásiporynnyń derekterine qaraǵanda, 24 shilde kúni elimizdiń basym bóliginde frontaldy bólikterdiń áserinen QR batysynda, soltústik-batysynda, soltústiginde, shyǵysynda, ońtústik-shyǵystyń taýly aýdandarynda jańbyr jaýady, ońtústik-batysynda naızaǵaı onıap, jańbyr jaýady, jel kúsheıedi, eldiń batysynda, shyǵysynda burshaq jaýyp, ońtústiginde shańdy daýyl turady, soltústiginde túnde jáne tańerteń tuman túsedi. Qazaqstannyń tek ońtústiginde jáne ortalyǵynda ǵana kún jaýyn-shashynsyz bolady.
Túrkistan, Qyzylorda, Jambyl, Jetisý, Almaty oblystarynyń basym bóliginde, Mańǵystaý, Atyraý oblystarynyń ońtústiginde, Ulytaýdyń ońtústiginde, shyǵysynda, Qostanaı oblysynyń ortalyǵynda tótenshe órt qaýpi saqtalady.
Kúndiz Qyzylorda, Ulytaý oblystarynyń basym bóliginde, Aqtóbe, Abaı oblystarynyń ońtústiginde qatty ystyq bolady.
Kúndiz Almaty oblysynyń basym bóliginde, Jambyl oblysynyń batysynda, ońtústiginde, Túrkistan oblysynyń batysynda jáne shóldi aýdandarynda, Jetisý oblystarynyń shyǵysynda óte qatty ystyq bolady.
