Qazgıdromet: Shildeniń 24-i kúngi aýa raıy boljamy
NUR-SULTAN. QazAqparat – 24 shildede frontaldy bólikterdiń ótýine baılanysty Qazaqstan aýmaǵynyń basym bóliginde aýa raıy qubylmaly bolady, dep habarlaıdy QazAqparat «Qazgıdromet» RMK-nyń málimetterine súıene otyryp.
Respýblıkanyń birqatar aımaǵynda jaýyn jaýyp, soltústik-batysta, kúndiz soltústikte jáne ortalyqta naızaǵaı oınap, jel kúsheıedi. Keı jerlerde tipti burshaq jaýýy da yqtımal. Sondaı-aq respýblıkanyń birqatar bóliginde shańdy daýyl kóterilýi múmkin.
Soltústik Qazaqstan, Qaraǵandy oblystarynda túnde jel kúsheıip, jyldamdyǵy sekýndyna 15-20 metrge, kúndiz eldiń basym bóliginde sekýndyna 15-20 metrge, ekpini 23-28 metrge jetedi. Burshaq jaýýy da yqtımal.
Aqmola, Qostanaı, Shyǵys Qazaqstan oblystarynyń keı bóliginde jel sekýndyna 15-23 metr jyldamdyqpen uıtqıdy. Burshaq jaýýy yqtımal.
Pavlodar, kúndiz Aqtóbe, Almaty oblystarynda jel sekýndyna 15-25 metr jyldamdyqpen soǵyp, Pavlodar oblysynda burshaq jaýýy yqtımal.
Jambyl, Túrkistan, Qyzylorda oblystarynyń keı jerlerinde jel kúsheıip, jyldamdyǵy sekýndyna 15-20 metrge jetedi. Qyzylorda oblysynda shańdy daýyl kóterilýi múmkin.
Kúndiz, Almaty, Atyraý, Mańǵystaý, Qyzylorda, Batys Qazaqstan, Qaraǵandy, Shyǵys Qazaqstan oblystarynyń ońtústiginde aptap ystyq bolady.
Qyzylorda, Atyraý oblystarynyń basym bóliginde Aqtóbe, Jambyl, Batys Qazaqstan, Túrkistan, Almaty, Qaraǵandy oblystarynyń keı jerlerinde órt qaýipi saqtalady.
