Qazgıdromet: Senbi kúni Qazaqstannyń basym bóliginde kún ashyq bolady
ASTANA. QazAqparat - Senbi kúni elimizdiń basym bóliginde kún ashyq bolady. Tek eldiń soltústik-batysy men soltústiginde ǵana kún jaýyn-shashyndy bolady, dep habarlaıdy QazAqparat «Qazgıdromet» RMK-na silteme jasap.
«Qazgıdromet» málimetterine qaraǵanda, senbi kúni respýblıkanyń birqatar aımaqtarynda jel kúsheıip, tań ata jáne túnde tuman túsýi yqtımal.
Soltústik Qazaqstan oblysynyń basym bóliginde jel kúsheıip, jyldamdyǵy sekýndyna 15-20 metrge jetedi. Ekpini 23-28 metr bolady. Túnde jáne tań ata tuman túsýi múmkin.
Aqmola oblysynyń keı jerlerinde jeldiń jyldamdyǵy sekýndyna 15-20 metrge jetedi.
Pavlodar, Mańǵystaý oblystarynda jel kúsheıip, jyldamdyǵy sekýndyna 15-20 metr bolady. Túnde jáne tań ata tuman túsýi múmkin.
Qostanaı, kúndiz Jambyl oblysynyń birqatar aýmaqtarynda jel sekýndyna 15-20 metrge deıin kúsheıedi. Túnde jáne tań ata Shyǵys Qazaqstan, Qyzylorda oblystarynda tuman túsip, Shyǵys Qazaqstan oblysynda jel sekýnyna 15-20 metr jyldamdyqpen uıtqıdy.
Túrkistan oblysy men Jambyl, Qyzylorda, Atyraý, Aqtóbe, Qaraǵandy jáne Almaty oblystarynyń keı jerlerinde órt qaýpi saqtalady.
