Qazgıdromet sáýirdiń 11-i kúngi kún raıy boljamyn jarııalady

ASTANA.KAZINFORM - «Qazgıdromet» RMK-sy sáýirdiń 11-i kúngi kún raıy boljamyn jarııalady.

Atmosferalyq frontaldy bólikterdiń ótýimen Qazaqstan aýmaǵynyń basym bóliginde kún qubylmaly bolady, naızaǵaı oınap, jańbyr jaýady, eldiń ońtústik-batysynda, soltústik-batysynda qatty jańbyr jaýady, eldiń batysynda, soltústik-batysynda jańbyr men qar jaýady.

Tek eldiń ońtústiginde, shyǵysynda, respýblıkanyń ortalyǵynda kún jaýyn-shashynsyz bolady. QR boıynsha jel kúsheıip, eldiń batysynda, shyǵysynda tuman túsip, soltústiginde, ońtústiginde shańdy daýyl turady.

Osyǵan deıin TJM 10-11 sáýirde qar kóshkini túsetinin aıtyp, eskertý jasaǵan edi.