Qazgıdromet sáýir aıyndaǵy aýa raıy boljamyn jarııalady
ASTANA. KAZINFORM – «Qazgıdromet» RMK baspasóz qyzmeti 2026 jylǵy 2 naýryzda Qazaqstan aýmaǵy boıynsha sáýir aıyna arnalǵan uzaqmerzimdi sınoptıkalyq boljamdy jarııalady.
Boljamǵa sáıkes, sáýir aıy jyly jáne jaýyn-shashyndy bolady dep kútilip otyr.
Aýa temperatýrasy respýblıka boıynsha kóbinese normadan joǵary bolady. Ońtústik-shyǵys óńirlerde, atap aıtqanda Shyǵys Qazaqstan oblysynyń basym bóliginde, Abaı oblysynyń ońtústik-shyǵysynda, sondaı-aq ońtústik pen ońtústik-shyǵystyń taýly jáne taý bókterindegi aýdandarda temperatýra normadan shamamen teń deńgeıde saqtalady.
Jaýyn-shashyn mólsheri respýblıka aýmaǵynyń basym bóliginde normadan aspaıdy. Al batys óńirlerde – Atyraý, Mańǵystaý, Batys Qazaqstan oblystary men Aqtóbe oblysynyń batys bóliginde, sondaı-aq ońtústik pen ońtústik-shyǵys taýly jáne taý bókterindegi aımaqtarda (Almaty oblysynyń ońtústik-shyǵys jartysy, Jetisý oblysy, Shyǵys Qazaqstan oblysy, Túrkistan jáne Jambyl oblystarynyń ońtústigi, sondaı-aq Abaı oblysynyń ońtústik-shyǵysy) jaýyn-shashyn mólsheri normadan joǵary bolady.
Tolyǵyraq jáne egjeı-tegjeıli sınoptıkalyq boljam 2026 jylǵy 15 naýryzda jarııalanady.
Eske sala keteıik, budan buryn kóktemniń alǵashqy kúnderi aýa raıy qalaı qubylatynyn jazǵan edik.
