Qazgıdromet: Sáýirdiń 28-i kúngi aýa raıy boljamy
NUR-SULTAN. QazAqparat – Atmosferalyq frontaldy bólikterdiń ótýine baılanysty elimizdiń basym bóliginde aýa raıy qubylyp turady, dep habarlaıdy QazAqparat «Qazgıdromet» RMK-nyń málimetterine súıene otyryp.
Kásiporyn taratqan derekterge qaraǵanda, elimizdiń birqatar óńirinde búgin jaýyn jaýady, jekelegen aýdandarda ol mol kólemde jaýýy yqtımal. Tipti naızaǵaı oınap, kúshti jel turýy, burshaq jaýýy da múmkin. Respýblıkanyń birqatar bóligine tuman túsedi.
Túrkistan oblysynda kúshti jel turyp, jyldamdyǵy sekýndyna 15-20 metrge, ekpini 23-28 metrge jetedi.
Jambyl oblysynyń keı jerlerinde jel sekýndyna 15-20 metr jyldamdyqpen uıtqıdy. Kúndiz jeldiń ekpini sekýndyna 23-28 metrge jetýi yqtımal, keı jerlerge burshaq jaýady.
Qyzylorda oblysynda jel kúsheıip, jyldamdyǵy sekýndyna 15-20 metrge jetedi, kúndiz 15-20 metr bolady. Keı jerlerde ekpini 23-28 metrge deıin barady. Jel artynan burshaq jaýýy múmkin.
Kúndiz Atyraý, Aqtóbe, Pavlodar, Shyǵys Qazaqstan oblystarynyń keı jerlerinde jel turyp, jyldamdyǵy sekýndyna 15-20 metrge jetedi.
Qaraǵandy oblysynda kúshti jel turady, jyldamdyǵy sekýndyna 15-20 metr bolady.
Soltústik Qazaqstan, Qostanaı, Batys Qazaqstan, oblystarynda tuman túsip, kúndiz jeldiń jyldamdyǵy sekýndyna 15-20 metrge jetedi.
Aqmola oblysyna tuman túsip, burshaq jaýyp, jel sekýndyna 15-20 metr jyldamdyqpen uıtqıdy.
