Qazgıdromet: Sáýirdiń 24-i kúngi aýa raıy boljamy
NUR-SULTAN. QazAqparat – «Qazgıdromet» RMK-sy sáýirdiń 24-i kúngi aýa raıy boljamyn jarııalady, dep habarlaıdy QazAqparat.
Kásiporyn taratqan málimetterge qaraǵanda, Qazaqstannyń soltústik, ortalyq jáne ońtústik-shyǵysy áli de antıtsıklonnyń yqpalynda bolady. Soǵan baılanysty kún jaýyn-shashynsyz bolady.
Elimizdiń qalǵan aımaqtarynda atmosferalyq frontaldy bólikterdiń ótýine baılanysty aýa raıy qubylmaly bolady, shyǵysta jaýyn, qar jaýýy yqtımal. Respýblıkamyzdyń keı jerlerinde tuman túsip, jel kúsheıedi, batys jáne ońtústikte naızaǵaı oınap, shańdy daýyl turady.
Jambyl, Qaraǵandy, Soltústik Qazaqstan oblystarynyń keı jerlerinde jel sekýndyna 15-20 metr jyldamdyqpen uıtqıdy, ekpini 23-28 m/s-qa deıin jetedi.
Jambyl, Soltústik Qazaqstan oblystarynda tuman túsedi.
Almaty, Qostanaı, Shyǵys Qazaqstan, Batys Qazaqstan oblystarynyń keı jerlerinde tuman túsip, jeldiń jyldamdyǵy sekýndyna 15-20 metrge jetedi. Batys Qazaqstan oblysynda naızaǵaı oınaıdy.
Aqtóbe, kúndiz Aqmola, Qyzylorda oblystarynyń keı jerlerinde jel 15-20 m/s jyldamdyqpen soǵady. Qyzylorda oblysynda naızaǵaı oınaıdy.
Túrkistan oblysynyń keı jerlerinde jel 15-20 m/s jyldamdyqpen soǵyp, shańdy daýyl turady.
Mańǵystaý, túnde Atyraý oblystaranyń keı jerlerinde tuman túsedi.
