Qazgıdromet: Sáýirdiń 23-i kúngi aýa raıy boljamy
NUR-SULTAN. QazAqparat - Qazaqstannyń basym bóliginde atmosferalyq aǵyndardyń ótýine baılanysty jaýyn-shashyn bolady, dep habarlaıdy QazAqparat «Qazgıdromet» RMK-na silteme jasap.
Kásiporyn taratqan málimetterge qaraǵanda, elimizdiń ońtústiginde mol kólemde jańbyr jaýady, tek eldiń soltústik-batysynda ǵana jaýyn jaýmaıdy. Keı jerlerde túman túsip, jel kúsheıip, ońtústikte, ońtústik-batysta naızaǵaı oınap, burshaq jaýýy yqtımal.
Túrkistan oblysynda jel kúsheıip, jyldamdyǵy sekýndyna 15-20 metrge jetedi, burshaq jaýýy da yqtımal.
Jambyl oblysynyń birqatar aýmaqtarynda tuman túsip, burshaq jaýýy múmkin.
Qyzylorda, Mańǵystaý oblystarynyń keı jerlerinde kúndiz jeldiń jyldamdyǵy sekýndyna 15-20 metrge jetedi. Qyzylorda oblysynda tuman túsedi.
Batys Qazaqstan, Qostanaı, Qaraǵandy, Shyǵys Qazaqstan oblystarynyń keı aımaqtarynda tuman túsip, kúndiz Qaraǵandy oblysynyń birqatar aýmaqtarynda jeldiń jyldamdyǵy sekýndyna 15-20 metrge jetedi.
Túnde jáne tań ata Almaty, Soltústik Qazaqstan oblystarynyń keı jerlerinde tuman túsedi.
