Qazgıdromet: Sáýirdiń 22-si kúngi aýa raıy boljamy
NUR-SULTAN. QazAqparat – «Qazgıdromet» RMK-sy sáýirdiń 22-si kúngi aýa raıy boljamyn jarııalady, dep habarlaıdy QazAqparat.
Kásiporyn taratqan málimetterge qaraǵanda, QR soltústik jartysy antıtsıklonnyń yqpalynda bolady. Osyǵan baılanysty bul óńirde kún ashyq bolady.
Respýblıkanyń qalǵan aýmaǵynda atmosferalyq frontaldy bólikterdiń ótýimen, aýa raıy qubylmaly bolady, keı jerlerde jaýyn-shashyn (jańbyr, qar) bolady. Respýblıka boıynsha birqatar óńirde tuman túsip, kóktaıǵaq bolady, jel kúsheıip, ońtústik – batysta naızaǵaı oınap, shańdy daýyl turyp, burshaq jaýýy múmkin.
Mańǵystaý oblysynyń keı jerlerinde shańdy daýyl turyp, burshaq jaýýy múmkin, jel sekýndyna 17-22 metrge deıin kúsheıedi.
Jambyl, Túrkistan oblystarynyń keı jerlerinde tuman túsip, jel sekýndyna 15-20 metr jyldamdyqpen uıtqıy. Jambyl oblysynda túnde kóktaıǵaq bolady.
Qyzylorda, Atyraý, Batys Qazaqstan oblystarynyń keı jerlerinde jel 15-20 m/s-qa deıin kúsheıedi, Atyraý oblysynyń keı jerlerinde shańdy daýyl turady.
Shyǵys Qazaqstan oblysynyń keı jerlerinde jel 15-20 m/s jyldamdyqpen uıtqıdy. Túnde jáne tańerteń keı jerlerde tuman túsedi.
Kúndiz Pavlodar oblysynyń keı jerlerinde jel sekýndyna 15-20 m/s jyldamdyqpen soǵady. Almaty, Qostanaı, túnde jáne tańerteń Soltústik Qazaqstan oblystarynyń keı jerlerinde tuman túsip, Almaty oblysynyń keı jerlerinde kóktaıǵaq bolady.
