Qazgıdromet: Sáýirdiń 22-si kúngi aýa raıy boljamy
NUR-SULTAN. QazAqparat - Sáýirdiń 22-si kúni Qazaqstannyń basym bóligi atmosferalyq aǵyndardyń ótýine baılanysty jaýyn-shashyndy bolady, dep habarlaıdy QazAqparat «Qazgıdromet» RMK-na silteme jasaı otyryp.
Kásiporyn taratqan málimetterge qaraǵanda, eldiń ońtústigi men ońtústik-shyǵysynyń birqatar aımaqtarynda mol kólemde jaýyn jaýady, eldiń tek batysy men ońtústik-batysynda ǵana kún ashyq bolady. Keı jerlerge tuman túsip, jel kúsheıedi. Ońtústikte naızaǵaı oınap, burshaq jaýýy yqtımal.
Aqmola oblysynda kúndiz kúshti jel turyp, jyldamdyǵy sekýndyna 15-20 metrge jetedi.
Qyzylorda, Qaraǵandy, túnde jáne tań ata Qostanaı oblystarynda tuman túsip, Qaraǵandy oblysynda kóktaıǵaq bolady.
Jambyl oblysynyń birqatar aımaqtarynda naızaǵaı oınap, tuman túsip, jel kúsheıip, jyldamdyǵy sekýndyna 15-20 metrge jetedi, burshaq jaýýy da yqtımal.
Túrkistan oblysynyń keı jerlerinde naızaǵaı oınap, burshaq jaýýy yqtımal, túnde jeldiń jyldamdyǵy sekýndyna 15-20 metrge jetedi.
Almaty, Shyǵys Qazaqstan oblystarynyń keıbir aımaqtarynda jel kúsheıip, jyldamdyǵy sekýndyna 15-20 metr bolady, tań ata jáne túnde tuman túsedi.
