«Qazgıdromet» sáýirdiń 13-i kúngi kún raıy boljamyn jarııalady
NUR-SULTAN. QazAqparat – «Qazgıdromet» respýblıkalyq memlekettik kásiporyn sáýirdiń 14-i kúngi kún raıy boljamyn jarııalady, dep habarlaıdy QazAqparat.
Kásiporyn taratqan derekterge qaraǵanda, Qazaqstannyń batys bóliginde tsıklonnyń áserinen, sondaı-aq frontaldy bólikterdiń ótýine baılanysty respýblıkanyń ońtústik-shyǵysynda jańbyr jaýyp, naızaǵaı oınaıdy.
QR terrıtorııasynyń ózge bóligine antıtsıklon jotasy áser etip, kún ashyq bolady. Alaıda osy kúni respýblıka boıynsha jel kúsheıip, soltústik-batysta tuman túsedi.
Batys Qazaqstan oblysynyń batysynda naızaǵaı oınaıdy, oblystyń ońtústik-batysynda jel 15-20 m/s jyldamdyqpen esedi.
Atyraý oblysynyń batysynda, soltústiginde, shyǵysynda naızaǵaı oınaıdy, oblystyń soltústiginde jel 15-20 m/s jyldamdyqpen soǵady.
Túnde Mańǵystaý oblysynyń soltústik-batysynda jeldiń jyldamdyǵy sekýndyna 15-20 metrge deıin kúsheıedi.
Aqtóbe oblysynyń batysynda, soltústiginde, ortalyǵynda naızaǵaı oınady, oblystyń ońtústiginde, soltústiginde, ortalyǵynda jel sekýndyna 15-20 metr jyldamdyqpen soǵyp, ekpini 23 m/s-qa deıin kúsheıedi.
Qostanaı oblysynyń batysynda, ońtústiginde jel 15-20 m/s jyldamdyqpen soǵady, tańerteń jáne kúndiz naızaǵaı oınaıdy, tuman túsedi.
Jambyl oblysynyń taýly, taý bókterli aýdandarynda naızaǵaı oınaıdy, kúndiz oblystyń ońtústik-batysynda, soltústik-shyǵysynda, taýly aýdandarda jel 15-20 m/s-qa deıin kúsheıedi.
Soltústik Qazaqstan oblysynyń soltústik-shyǵysynda, kúndiz Túrkistan oblysynyń taýly aýmaqtarynda, Shyǵys Qazaqstan oblysynyń ońtústik-shyǵysynda jel 15-20 m/s jyldamdyqpen soǵady.
