Qazgıdromet: Sáýirdiń 11-i kúngi aýa raıy boljamy
NUR-SULTAN. QazAqparat – Sáýirdiń 11-i kúni Qazaqstannyń basym bóligine aýqymdy antıtsıklon yqpal etip, kún ashyq bolady, dep habarlaıdy QazAqparat «Qazgıdromet» RMK-nyń málimetterine silteme jasap.
Kásiporyn taratqan málimetterge qaraǵanda, respýblıkanyń ońtústigi men ońtústik-shyǵysynda ońtústik tsıklonnyń yqpalymen jaýyn jaýyp, kún kúrkireıdi. Respýblıkanyń keıbir óńirlerine tuman túsedi.
Almaty oblysynyń birqatar óńirinde túnde jáne tań ata tuman túsip, kúndiz Jalańashkól aýdanynda jel sekýndyna 15-20 metr jyldamdyqpen uıtqıdy.
Túrkistan, kúndiz Qyzylorda, Jambyl oblystarynyń keı jerlerinde jel 15-20 metr jyldamdyqpen uıtqıdy, Jambyl oblysynda kún kúrkireıdi.
Qostanaı, Qaraǵandy, túnde jáne tań ata Soltústik Qazaqstan, Shyǵys Qazaqstan, Aqmola oblystarynyń birqatar aýmaǵynda tuman túsedi.
