Qazgıdromet: Respýblıkanyń keıbir aımaqtarynda jaýyn-shashyn bolýy yqtımal
ASTANA. 19 qazan. QazAqparat - Erteń Qazaqstannyń basym bóliginde aýa raıy jaýyn-shashynsyz bolady dep kútilýde, tek respýblıkanyń batysynda, túnde soltústik-batysynda jáne soltústiginde atmosferalyq aǵyndardyń ótýine baılanysty keı jerlerde jaýyn-shashyn bolady, jel kúsheıedi. Bul týraly «Qazgıdrometke» silteme jasap, QR TJM baspasóz qyzmetinen habarlandy.
Almaty oblysynyń Jalańashkól aýdanynda jel 18-23 m/s-qa deıin kúsheıedi, kúndiz jel ekpini 28 m/s bolady. Aqmola, Aqtóbe, Mańǵystaý oblystarynda, kúndiz Jambyl, Qostanaı, Batys Qazaqstan oblystarynda keı jerlerde jel 15-20 m/s-qa deıin kúsheıedi. Soltústik Qazaqstan oblysynda keı jerlerde jel 15-20 m/s-qa deıin kúsheıedi, túnde jáne tańerteń keı jerlerde tuman túsedi. Atyraý oblysynda keı jerlerde 17-22 m/s jel soǵady, kúndiz ekpindi jel soǵady. Shyǵys Qazaqstan oblysynda túnde jáne tańerteń keı jerlerde tuman túsedi.
Respýblıkanyń ońtústiginde, ońtústik-shyǵysynda keı jerlerde jáne ortalyǵynda joǵary órt qaýpi saqtalady.
Jýyrdaǵy úsh táýlikte Qazaqstannyń ońtústigi, ońtústik-shyǵysy jáne shyǵysynyń jekelegen ózenderinde sý deńgeıi turaqsyz bolady dep kútilýde.
Soltústik, soltústik-shyǵys jáne shyǵys oblystardyń sý nysandarynda birte-birte sýdyń salqyndaýy baıqalady.
