Qazgıdromet: Respýblıkanyń birqatar jerlerinde qar aralas jańbyr jaýady
ASTANA. 4 qazan. QazAqparat - Qazaqstan aýmaǵynyń basym bóliginde atmosferalyq aǵyndardyń ótýine baılanysty keı jerlerde jaýyn-shashyn bolady, jel kúsheıedi. Respýblıkanyń soltústiginde keı jerlerde jaýyn-shashyn bolady (jańbyrdyń sońy aralas qarǵa ulasady). Tek respýblıkanyń ońtústiginde, ońtústik-shyǵysynda aýa raıy jaýyn-shashynsyz bolýy yqtımal. Bul týraly «Qazgıdrometke» silteme jasap, QR TJM baspasóz qyzmetinen habarlady.
Qaraǵandy, Aqtóbe, Atyraý, Batys Qazaqstan oblystarynda, kúndiz Aqmola, Qostanaı, Mańǵystaý oblystarynda keı jerlerde jel 15-20 m/s-qa kúsheıedi dep kútilýde, Qostanaı, Mańǵystaý, Soltústik Qazaqstan oblystarynda túnde jáne keı jerlerde tańerteń tuman túsedi.
Respýblıkanyń ońtústiginde, ońtústik-shyǵysynda keı jerlerde jáne ortalyǵynda joǵary órt qaýpi saqtalady.
