Qazgıdromet: Respýblıkanyń birqatar aımaqtarynda jel kúsheıip, tuman túsedi
ASTANA. 29 qazan. QazAqparat - Erteń respýblıkada atmosferalyq aǵyndardyń ótýine baılanysty keı jerlerde aýa raıy turaqsyz bolady dep kútilýde, jańbyr jaýady, tuman túsedi, jel kúsheıedi. Bul týraly «Qazgıdrometke» silteme jasap, QR TJM málimdedi.
Almaty, Mańǵystaý, Atyraý, Batys Qazaqstan, Aqtóbe, Shyǵys Qazaqstan oblystarynda tuman túsedi. Aqmola, Qostanaı oblystarynyń da keı jerlerinde tuman bolyp, kúndiz jel 15-20 m/s-qa deıin kúsheıedi. Jambyl, Soltústik Qazaqstan oblystarynda keı jerlerde tuman túsedi, jel 15-20 m/s-qa deıin soǵady. Ońtústik Qazaqstan oblysynyń birqatar aımaqtarynda jeldiń jyldamdyǵy 15-20 m/s-qa deıin jetedi dep kútilýde.
Jaqyn táýlikterde Qazaqstannyń kóptegen sý nysandarynda aıtarlyqtaı ózgerister kútilmeıdi.
