Qazgıdromet: Respýblıkanyń basym bóliginde naızaǵaı oınap, jaýyn jaýady
NUR-SULTAN. QazAqparat - Atmosferalyq aǵyndardyń ótýine baılanysty maýsymnyń 27-si kúni respýblıkanyń soltústiginde, soltústik-batysynda jáne ortalyǵynda aýa raıy qubylyp turady. Bul týraly QazAqparat «Qazgıdromet» RMK-nyń málimetterine súıene otyryp habarlaıdy.
Kásiporyn taratqan málimetterge qaraǵanda, maýsymnyń 27-si kúni atalǵan aýmaqtarda naızaǵaı oınap, jańbyr jaýady, jel kúsheıip, burshaq jaýýy yqtımal. Daýyl turaýy da múmkin. Soltústik óńirde keı jerlerde tuman túsedi. Qazaqstan terrıtorııasynyń qalǵan bóliginde jaýyn-shashyn bolmaıdy.
Aqmola oblysynyń keı jerlerinde jel 15-20 m/s jyldamdyqpen esedi. Kúndiz daýyl turyp, burshaq jaýýy yqtımal, túnde jáne tańerteń tuman túsedi.
Soltústik Qazaqstan oblysynyń keı jerlerinde tuman túsip, daýyl turady, jeldiń jyldamdyǵy sekýndyna 15-20 metrge jetedi. Burshaq jaýýy yqtımal.
Pavlodar oblysynyń keı jerlerinde kúndiz jel 15-20 m/s jyldamdyqpen esedi, burshaq jaýýy yqtımal.
Qostanaı oblysynyń keı jerlerinde tuman túsip, jeldiń jyldamdyǵy sekýndyna 15-20 metrge jetedi. Kúndiz keı jerlerde burshaq jaýýy da yqtımal.
Qaraǵanda oblysynyń keı jerlerinde jel 15-20 m/s jyldamdyqpen soǵady, daýyl turýy múmkin.
Qyzylorda oblysynyń birqatar aýmaqtarynda tańerteń jáne kúndiz jeldiń jyldamdyǵy sekýndyna 15-20 metr bolady, daýyl turady.
Jambyl, Atyraý oblystarynyń keı jerlerinde kúndiz jel 15-20 m/s-ke deıin kúsheıedi.
Sondaı-aq kúndiz Túrkistan, Almaty, Mańǵystaý, Qaraǵandy oblystarynyń keı jerlerinde kún qatty ysıdy.
Qyzylorda, Túrkistan, Atyraý oblysynyń basym bóliginde, Batys Qazaqstan, Aqtóbe oblysynyń keı jerlerinde, Qostanaı, Almaty, Jambyl oblystarynda órt qaýipi saqtalady.
