Qazgıdromet: Ońtústikte aptap ystyq bolyp, soltústikte burshaq jaýady
NUR-SULTAN. QazAqparat – Qyzylorda jáne Soltústik Qazaqstan oblystarynda aýa raıyna baılanysty eskertý jarııalandy, dep habarlaıdy QazAqparat «Qazgıdromet» RMK-ǵa silteme jasap.
28 mamyr kúndiz Qyzylorda oblysynda 41°S ystyq. Soltústik-shyǵystan shań aralas jel soǵady, onyń kúshi 15-20 m/s. Qyzylorda qalasynda shańdy daýyl bolýy yqtımal, soltústik-shyǵystan jel soǵady, tańerteń jáne kúndiz onyń ekpini 15-20 m/s-ke jetedi.
Soltústik Qazaqstan oblysynda 28-29 mamyr kúnderi túnde jáne tańerteń keı jerlerge tuman túsedi. 28 mamyr kúndiz jáne 29 mamyrda naızaǵaı oınap, daýyl soǵady. Ońtústik-batystan soqqan jeldiń baǵyty soltústik-batysqa aýysyp, ekpini 15-20 m/s, 29 mamyr 25 m/s-ke jetedi. Petropavlda 29 mamyrda kún kúrkirep, daýyl soǵady, kúndiz burshaq jaýady. Ońtústik-batystan soqqan jeldiń baǵyty soltústik-batysqa aýysyp, ekpini 15-20 m/s bolady.
Aýa raıy boljamynyń yqtımaldyǵy 90-95%.
