Qazgıdromet: Naýryzdyń 8-i kúngi aýa raıy boljamy
NUR-SULTAN. QazAqparat – «Qazgıdromet» RMK-sy 8-naýryz kúngi aýa raıy boljamyn jarııalady, dep habarlaıdy QazAqparat.
Kásiporyn taratqan málimetterge qaraǵanda, 8 naýryzda Qazaqstan terrıtorııasynyń basym bóliginde atmosferalyq frontaldy bólikterdiń ótýine baılanysty aýa raıy qubylmaly bolady.
Eldiń basym bóliginde jańbyr jáne qar jaýady. Qazaqstannyń ońtústik-batysynda ǵana antıtsıklon jotasynyń áserinen kún jaýyn-shashynsyz bolady. Keı jerlerde tuman, kóktaıǵaq, burqasyn bolady, jel kúsheıip, jyldamdyǵy sekýndyna 15-20 metrge jetedi. Respýblıkanyń soltústik, soltústik-batysynda jeldiń ekpini 23-28 m/s-qa deıin kúsheıedi.
Qostanaı oblysynyń keı jerlerinde tuman túsip, jaıaý burqasyn bolady, túnde kóktaıǵaq bolyp, jel 15-20 m/s jyldamdyqpen soǵady, ekpini 23-28 m/s bolady.
Soltústik Qazaqstan oblysynyń keı jerlerinde tuman túsip, burqasyn, kóktaıǵaq bolady, túnde jel 15-20 m/s jyldamdyqpen esedi, keı jerlerde ekpini 23-28 m/s, kúndiz keı jerlerde 15-20 m/s-ke deıin kúsheıedi.
Pavlodar oblysynyń birqatar aımaǵynda tuman túsip, burqasyn, kóktaıǵaq bolady, túnde jel keı jerlerde 15-20 m/s, kúndiz 15-20, ekpini 23 m/s-qa jetedi.
Qaraǵandy oblysynyń keı jerlerinde tuman túsip, jaıaý burqasyn, kóktaıǵaq bolady, jel 15-20 m/s jyldamdyqpen soǵady, kúndiz ekpini 23 m/s bolady.
Aqmola, Batys Qazaqstan, Aqtóbe oblystarynyń keı jerlerinde tuman túsip, burqasyn, kóktaıǵaq bolady, jel 15-20 m/s jyldamdyqpen soǵady. Aqmola oblysynda ekpini 25 m/s-qa jetedi.
Jambyl, Qyzylorda oblystarynyń keı jerlerinde tuman túsip, kóktaıǵaq bolady, jeldiń jyldamdyǵy 15-20 m/s.
Túrkistan oblysynyń keı jerlerinde túnde tuman túsedi, kúndiz jel 15-20 m/s-qa deıin kúsheıedi.
Shyǵys Qazaqstan oblysynyń keı jerlerinde tuman túsip, kúndiz kóktaıǵaq bolady.
Atyraý oblysynyń kúndiz keı jerlerinde jel 15-20 m/s-qa deıin kúsheıedi. Túnde Almaty oblysynyń keı jerlerinde tuman túsedi.
