Qazgıdromet: Naýryzdyń 31-i kúngi aýa raıy boljamy
NUR-SULTAN.QazAqparat – «Qazgıdromet» RMK-sy naýryzdyń 31-ne arnalǵan aýa raıy boljamyn jarııalady, dep habarlaıdy QazAqparat.
Naýrzdyń 31-i kúni atmosferalyq frontaldy bólikterdiń ótýine baılanysty respýblıkanyń basym bóliginde aýa raıy qubylmaly bolady. Keı jerlerde jaýyn-shashyn bolyp, ońtústik-shyǵysta nóser jaýyn jaýady.
Respýblıkanyń batys jáne soltústik aımaqtary joǵary atmosferalyq qysym aýmaǵynda bolǵandyqtan, kún jaýyn-shashynsyz bolady. Keı jerlerde tuman túsip, kóktaıǵaq bolyp, jel kúsheıedi, kúndiz ońtústik-shyǵysta naızaǵaı oınaıdy.
Jambyl oblysynyń keı jerlerinde tuman túsip, kóktaıǵaq, bolady, kúndiz keı jerlerde jeldiń jyldamdyǵy sekýndyna 15-20 metrge jeedi, ekpini 25 m/s bolady.
Soltústik Qazaqstan, Qaraǵandy, Qyzylorda oblystarynyń keı jerlerinde tuman túsip, kúndiz jeldiń jyldamdyǵy sekýndyna 15-20 metrge jetedi.
Qaraǵandy oblysynyń keı jerlerinde kóktaıǵaq bolady.
Aqmola, Almaty, Qostanaı, Atyraý, Batys Qazaqstan, Túrkistan, Shyǵys Qazaqstan, túnde jáne tańerteń Aqtóbe oblystarynyń keı jerlerinde tuman túsip, Shyǵys Qazaqstan oblysynda kóktaıǵaq bolady, Túrkistan oblysynda jel 15-20 m/s jyldamdyqpen esedi.
