Qazgıdromet: Naýryzdyń 30-y kúngi aýa raıy boljamy
NUR-SULTAN. QazAqparat – «Qazgıdromet» RMK-sy naýryzdyń 30-na arnalǵan aýa raıy boljamyn jarııalady, dep habarlaıdy QazAqparat.
Kásiporyn taratqan málimetterge qaraǵanda, Qazaqstan arqyly áli de atmosferalyq frontaldy bólikterdiń ótýine baılanysty elimizdiń basym bóliginde kún qubylmaly bolady. Keı jerlerde jaýyn jáne jańbyr aralas qar jaýady.
Tek elimizdiń batysy ǵana joǵarǵy atmosferalyq qysym aýmaǵynda bolǵandyqtan bul óńirde jaýyn-shashyn bolmaıdy. Respýblıkanyń keı jerlerine tuman túsip, kóktaıǵaq bolyp, jel kúsheıedi, soltústikte jelmen qatar jaıaý burqasyn bolady.
Aqmola oblysynyń keı jerlerinde tuman túsip, kóktaıǵaq bolady, túnde jáne tańerteń jel 15-20 m/s jyldamdyqpen soǵady, jaıaý burqasyn bolady.
Túrkistan, Jambyl oblystarynyń keı jerlerinde tuman túsip, jel 15-20 m/s jyldamdyqpen esedi, Jambyl oblysynda kóktaıǵaq bolady.
Almaty, Qostanaı, Soltústik Qazaqstan, Qaraǵandy, Shyǵys Qazaqstan oblystarynyń keı jerlerine tuman túsip, kóktaıǵaq bolady.
Pavlodar oblysynyń keı jerlerinde jaıaý burqasyn, túnde keı jerlerde jel 15-20 m/s-ke deıin kúsheıedi.
Mańǵystaý, Atyraý, Batys Qazaqstan, Qyzylorda oblystarynyń keı jerlerinde, Aqtóbe oblysynyń ońtústiginiń keı jerlerinde tuman túsip, túnde Qyzylordla oblysynda kóktaıǵaq bolýy yqtımal.
