Qazgıdromet naýryzdyń 15-20 aralyǵyndaǵy aýa raıy boljamyn jarııa etti
NUR-SULTAN. QazAqparat – QazAqparat «Qazgıdromet» RMK-nyń málimetterine súıene otyryp, Qazaqstanda naýryzdyń 15-20 aralyǵynda bolatyn aýa raıy boljamyn jarııalaıdy.
Aqmola oblysy
Aqmola oblysynda atalǵan ýaqyt aralyǵynda aýa temperatýrasy +5+10°S-tan 3+2°S-qa deıin tómendeıdi. Odan soń aqyryndap -5+3°S-tan 0+5°S-qa deıin jylyna túsedi. Orta kezeńde aýa 5-13°S-ke deıin tómendep, artynan 0-8°S jylı túsedi.
Qaraǵandy oblysy
Qaraǵandy oblysynda kúndizgi aýa temperatýrasy +5+15°S-tan 0+8°S-qa deıin tómendep, artynan qaıtadan +3+11°S-qa deıin kóteriledi. Sonymen qatar túngi aýa temperatýrasy -11+3°S-den 0+6°S-qa deıin jylyp, artynan -3-13°S tómendeıdi. Oblystyń ońtústigindegi ózenderdiń basseınderinde qar men muzdyń erýi saldarynan sý deńgeıi kóteriledi. 16-19 naýryzda jaýyn, qar jaýady. Naýryzdyń 15-17, 19 kúnderi de jaýyn, qar jaýady.
Soltústik Qazaqstan oblysy
Kúndiz aýa temperatýrasy +5+10°S-den -3+2°S-qa deıin tómendeıdi. Odan soń 0+8°S-qa deıin jylıdy. Túngi aýaa temperatýrasy -7+1°S-tan 0+5°S-qa deıin jylıdy. Aralyq kezeńde temperatýra -5-13°S-qa deıin tómendep, artynan 0-8°S-qa deıin jylıdy.
15-17, 19 naýryzda 6 mm jańbyr, qar jaýady.
Aqtóbe oblysy
Kúndizgi aýa temperatýrasy +5+15°S-tan 0+8°S-qa deıin jylyp, túngi temperatýra 0+8°S-tan -5-13°S-qa deıin sýıdy. Artynan 0-8°S sýyq bolady. Ózenderde qar men muz erip, óz kezeginde ol sý deńgeıiniń kóterilýine yqpal etedi.
16, 19-20 naýryz aralyǵynda 3 mm qar men jańbyr jaýady.
Batys Qazaqstan oblysy
Aýa temperatýrasy +10+18°S-tan +2+10°S-qa deıin sýytady. Artynan +5+13°S-qa deıin jylıdy. Túngi temperatýra +1+9°S-tan -3-11°S-qa deıin sýytady. Boljamdy ýaqyt aralyǵynda qar, jańbyr jaýady.
Qostanaı oblysy
Kúndizgi aýa temperatýrasy +10+18°S-tan +2+10°S-qa deıin tómendeıdi. Artynan +5+13°S-qa deıin jylıdy. Túngi temperatýra +1+9°S-tan -3-11°S-qa deıin sýytady, boljam jasalǵan kezeńniń orta tusyna taman -3+5°S bolady. Boljamdy kezeń boıynsha qar, jaýyn jaýady. Ózen basseınderinde qar, muz erip, sý deńgeıi kóteriledi.
Túrkistan oblysy
Aýa temperatýrasy +17+25°S-tan +12+20°S-qa deıin tómendeıdi. Túngi temperatýra 0+8°S-tan +5+13°S aralyǵynda qubylyp turady.
Jambyl oblysy
Kúndizgi aýa temperatýrasy +10+18°S-tan +15+23°S-qa deıin jylyp, artynan +12+20°S tómendeı túsedi. Túngi temperatýra -3+5°S-tan 0+10°S-qa deıin jylıdy.
Almaty oblysy
Kúndizgi temperatýra +9+17°S-tan +15+23°S-qa deıin jylyp, artynan +12+20°S-qa deıin sýıdy. Túngi aýa temperatýrasy -5+5°S-tan 0+10°S-qa deıin kóteriledi. Almaty oblysynyń soltústigi, soltústik-shyǵysy men ońtústiginde qar men muzdyń erýine sonyń saldarynan ózenderdiń sýynyń kóterilýine yqpal etedi.
Qyzylorda oblysy
Kúndizgi aýa temperatýrasy +9+17°S-tan +15+23°S-qa deıin jylynyp, artynan +12+20°S-qa deıin sýytady. Túngi aýa temperatýrasy -5+5°S-tan 0+10°S-qa deıin sýytady.
Qyzylorda oblysyndaǵy Syrdarııa ózeni tolyqtaı muzdan tazartylyp, sý deńgeıi Shardara men Kóksaraı sý qoımalarynyń rejımi boıynsha rettelýde.
Shyǵys Qazaqstan oblysy
Aýa temperatýrasy +9+17°S-tan +15+23°S-qa deıin jylyp, artynan +12+20°S-qa deıin azdap sýıdy. Túngi aýa temperatýrasy -5+5°S-tan 0+10°S-qa deıin jylıdy.
Óńirdiń sý nysandarynda muz, taý eteginde qar erip, aǵyn sý basý qaýpi týyndaıdy.
