Qazgıdromet: Naýryzdyń 10-y kúngi aýa raıy boljamy
NUR-SULTAN. QazAqparat – «Qazgıdromet» RMK-sy naýryzdyń 10-y kúngi aýa raıy boljamyn jarııalady, dep habarlaıdy QazAqparat.
Kásiporyn taratqan málimetterge qaraǵanda, Qazaqstan terrıtorııasynyń basym bóliginde atmosferalyq frontaldy bólikterdiń ótýine baılanysty aýa raıy qubylmaly bolady.
Respýblıkanyń basym bóliginde jaýyn, soltústik óńirdiń birqatar bóliginde qar jaýady. Sondaı-aq Qazaqstannyń keı jerlerine tuman túsip, kóktaıǵaq, jaıaý burqasyn bolady, jel kúsheıedi.
Respýblıkanyń ońtústiginiń keı jerlerinde naızaǵaı oınaıdy.
Aqmola, Qostanaı oblystarynyń keı jerlerinde tuman túsip, jaıaý burqasyn bolady, jeldiń jyldamdyǵy sekýndyna 15-20, ekpini 23-28 metrge jetedi.
Jambyl oblysynyń keı jerlerinde jel 15-20 m/s jyldamdyqpen soǵady, ekpini 23-28 m/s, tuman túsip, túnde kóktaıǵaq bolady.
Qaraǵandy, Soltústik Qazaqstan oblystarynyń keı jerlerine tuman túsip, jaıaý burqasyn bolady, jeldiń jyldamdyǵy sekýndyna 15-20 m/s-ge jetedi.
Túrkistan oblysynyń keı jerlerinde jel skýndyna 15-20 metr jyldamdyqpen soǵady, kúndiz ekpini 25 m/s-ke deıin kúsheıedi.
Shyǵys Qazaqstan oblysynyń keı jerlerinde tuman túsip, kúndiz kóktaıǵaq bolady, tańerteń jáne kúndiz jeldiń ekpini 15-20 m/s bolyp, Jarma aýdanynda ekpini 25 m/s-ǵa deıin barady.
Batys Qazaqstan, Aqtóbe oblystarynyń keı jerlerinde tuman túsip, kóktaıǵaq bolady, jel sekýndyna 15-20 metrge deıin kúsheıip, jaıaý burqasyn bolady.
Túnde Qyzylorda oblysynyń keı jerlerinde kóktaıǵaq bolyp, tańerteń jáne kúndiz jel 15-20 m/s jyldamdyqpen esedi.
Túnde jáne tańerteń Almaty oblysynyń keı jerlerinde tuman túsedi, Jalańashkól aýdanynda jeldiń jyldamdyǵy sekýndyna 15-20 m/s-qa jetedi.
Pavlodar oblysynda jel sekýndyna 15-20 metr jyldamdyqpen soǵady, keı jerlerde ekpini 25 m/s bolady. Kúndiz birqatar aımaqa kóktaıǵaq, jaıaý burqasyn bolady.
Atyraý oblysynyń keı jerlerinde kóktaıǵaq bolyp, jel 15-20 m/s jyldamdyqpen soǵady.
Kúndiz Mańǵystaý oblysynda kóktaıǵaq bolady.
