«Qazgıdromet» mereke kúnderi bolatyn aýa raıy boljamyn usyndy
ASTANA. QazAqparat - «Qazgıdromet» 20-22 naýryz kúnderdegi aýa-raıy boljamyn usynady.
«Qazaqstannyń ońtústiginde, ortalyǵy jáne shyǵysynda 18 naýryz kúngi bolǵan kúnniń kúrkireýi kóktemniń kelgenin jarııa etti. Endi, mereke kúnderi - 20-22 naýryzda kútiletin jaýyn-shashyn, tuman jáne kóktaıǵaq ta eshteńe ózgerte almaıdy. Jaýyn-shashynnyń toqtaýy jáne kúnniń ashylýymen kóktemgi shýaq aýany tez jylytady, sonyń áserinen temperatýra normasy osy ýaqyttyń ádettegi jylýynan 3-8º joǵary bolmaq», - delingen habarlamada.
