Qazgıdromet maýsymnyń 5-si kúngi aýa raıy boljamyn jarııalady
NUR-SULTAN. QazAqparat - «Qazgıdromet» RMK-sy maýsymnyń 5-si kúngi aýa raıy boljamyn jarııa etti, dep habarlaıdy QazAqparat.
Kásiporyn taratqan málimetterge qaraǵanda, atmosferalyq aýanyń frontaldy bólikteriniń ótýine baılanysty elimizdiń basym bóliginde aýa-raıy qubylyp turady.
Keı jerlerde jańbyr jaýady, soltústik óńirdiń keı aýmaqtarynda jańbyr mol kólemde jaýady. Tek respýblıkanyń batysy men ońtústiginde ǵana kún jaýyn-shashynsyz bolady.
Respýblıkanyń birqatar aýmaqtarynda naızaǵaı oınap, jel kúsheıedi, shańdy daýyl turyp, burshaq jaýýy múmkin. Soltústikte keı jerlerde tuman túsýi yqtımal.
Aqmola, Soltústik Qazaqstan oblystarynyń keı jerlerinde tuman túsip, daýyl turady. Sondaı-aq burshaq jaýyp, jel 15-20 m/s jyldamdyqpen soǵady.
Shyǵys Qazaqstan oblysynda keı jerlerde jeldiń jyldamdyǵy sekýndyna 15-20 metr bolady, kúndiz ekpini 25 m/s-ke deıin kúsheıedi. Kúndiz keı jerlerde daýyl turyp, burshaq jaýýy múmkin.
Qaraǵandy oblysynyń keı jerlerinde daýyl turyp, burshaq jaýýy múmkin, jel 15-20 m/s jyldamdyqpen júıtkıdi.
Pavlodar, Jambyl oblystarynyń keı jerlerinde jeldiń jyldamdyǵy 15-20 m/s-ke jetedi. Kúndiz keı jerlerde daýyl soǵyp, burshaq jaýýy múmkin.
Almaty, Qostanaı oblysynyń keı jerlerinde jel 15-20 m/s jyldamdyqpen soǵady. Burshaq jaýýy múmkin.
Túrkistan oblysynyń birqatar aýmaqtarynda jeldiń jyldamdyǵy sekýndyna 15-20 metrge jetedi. Kúndiz daýyl turýy múmkin.
Kúndiz Qyzylorda oblysynyń keı jerlerinde jel sekýndyna 15-20 jyldamdyqpen soǵyp, ekpini 23 m/s-ke jetedi. Sondaı-aq shańdy daýyl kóteriledi.
Atyraý, Aqtóbe, kúndiz Batys Qazaqstan oblystarynyń keı jerlerinde jeldiń jyldamdyǵy sekýndyna 15-20 metrge jetedi.
Mańǵystaý oblysynda túnde jáne tańerteń keı jerlerde tuman túsip, kúndiz jeldiń ekpini15-20 m/s-ke jetedi.
Mańǵystaý oblysynda kúndiz keı jerlerde kún qatty ysıdy.
Aqtóbe, Batys Qazaqstan, Qaraǵandy, Qyzylorda, Jambyl, Túrkistan oblystarynyń keı jerlerinde órt qaýipi saqtalady.
