«Qazgıdromet» maýsymnyń 4-i kúngi aýa raıy boljamyn jarııa etti
NUR-SULTAN. QazAqparat - «Qazgıdromet» RMK-sy maýsymnyń 4-i kúngi aýa raıy boljamyn jarııa etti, dep habarlaıdy QazAqparat.
Kásiporyn taratqan málimetterge qaraǵanda, atmosferalyq aýa aǵymdarynyń ótýine baılanysty elimizdiń basym bóliginde aýa-raıy qubylyp turady.
Keı jerlerde jaýyn-shashyn bolady, respýblıkanyń ońtústik-batysy men soltústik-shyǵysynda ǵana jańbyr jaýmaıdy.
Respýblıkanyń birqatar aýmaqtarynda naızaǵaı oınap, jel kúsheıip, shańdy daýyl kóteriledi. Burshaq jaýyp, soltústik óńirde tuman bolýy yqtımal.
Aqtóbe, Qaraǵandy, kúndiz Aqmola, Jambyl oblystarynyń keı jerlerinde daýyl turyp, jeldiń jyldamdyǵy sekýndyna 15-20 metrge jetedi. Burshaq jaýýy da múmkin. Aqmola oblysynyń keı jerlerinde tuman túsýi yqtımal.
Soltústik Qazaqstan oblysynyń keı jerlerinde tuman túsip, daýyl bolady. Jel kúndiz óńirdiń basym bóliginde sekýndyna 15-20 metr jyldamdyqpen uıtqyp, ekpini 23-28 metrge jetedi. Keı jerlerde burshaq jaýýy da múmkin.
Qostanaı oblysynyń keı jerlerinde daýyl bolyp, jel túnde keı jerlerde 15-20 m/s, kúndiz 15-20 m/s jyldamdyqpen esedi. Ekpini 23 m/s-qa jetedi. Keı jerlerde burshaq jaýýy múmkin.
Nur-Sultan, Almaty, Batys Qazaqstan, Shyǵys Qazaqstan, kúndiz Túrkistan oblystarynyń keı jerlerinde jel 15-20 m/s jyldamdyqpen uıtqıdy.
Túrkistan oblysynda kúndiz keı jerlerde daýyl turyp, Shyǵys Qazaqstan oblysynda kúndiz burshaq jaýýy múmkin. Kúndiz Qyzylorda, Atyraý oblystarynyń keı jerlerinde shańdy daýyl bolady. Jel 15-20 m/s-qa deıin kúsheıedi. Pavlodar oblysynyń keı jerlerine tuman túsedi.
Atyraý oblysynda, keı jerlerde Mańǵystaý oblystarynda kúndiz kún qatty ysıdy.
Aqtóbe, Batys Qazaqstan, Qaraǵandy, Qyzylorda, Qostanaı, Jambyl, Túrkistan oblystarynyń keı jerlerinde órt qaýipi saqtalady.
