Qazgıdromet: Maýsymnyń 3-i kúni jel kúsheıip, keı óńirde burshaq jaýady
NUR-SULTAN. QazAqparat - Maýsymnyń 3-i kúni atmosferalyq aǵymdardyń ótýine baılanysty respýblıkanyń basym bóliginde aýa raıy qubylmaly bolady, dep habarlaıdy QazAqparat «Qazgıdromet» RMK-na silteme jasap.
Kásiporyn taratqan málimetterge qaraǵanda, respýblıkanyń keı jerlerinde jańbyr jaýyp, ońtústikte, ońtústik-shyǵysynda jańbyr mol kólemde túsedi. Respýblıkanyń tek batysynda ǵana jaýyn-shashyn bolmaıdy.
Eldiń keı aýmaqtarynda naızaǵaı oınap, jel kúsheıip, daýyl turýy, burshaq jaýýy yqtımal.
Aqmola, Jambyl, Túrkistan oblystarynyń keı jerlerinde naızaǵaı oınap, daýyl turady. Jel 15-20 m/s jyldamdyqpen uıtqyp, burshaq jaýýy yqtımal.
Pavlodar, Almaty, Shyǵys Qazaqstan, kúndiz Atyraý, Batys Qazaqstan, Aqtóbe, Qaraǵandy oblystarynyń keı jerlerinde naızaǵaı oınap, jeldiń jyldamdyǵy 15-20 m/s-qa jetedi.
Atyraý oblysynyń keı jerlerinde shańdy daýyl bolýy múmkin.
Shyǵys Qazaqstan, Almaty, kúndiz Batys Qazaqstan oblystarynyń keı jerlerinde burshaq jaýýy yqtımal.
Qyzylorda oblysynyń keı jerlerinde naızaǵaı oınap, daýyl, tańerteń jáne kúndiz keı jerlerde 15-20 m/s jyldamdyqpen jel soǵady.
Qostanaı, Soltústik Qazaqstan oblystarynyń keı jerlerinde jeldiń jyldamdyǵy 15-20 m/s-ke jetedi, túnde keı jerlerde naızaǵaı oınaıdy.
Atyraý, Aqtóbe oblystarynyń keı jerlerinde Qaraǵandy oblysynda kúndiz kún qatty ysıdy.
Aqtóbe, Qostanaı, Qaraǵandy, Qyzylorda, Jambyl oblystarynyń keı jerlerinde órt qaýipi saqtalady.
